نانسي الطيب

سبورتنج بالنسبة لي هو البيت اللي كبرت واتربيت فيه، وعشت فيه أحلى ذكريات حياتي.. مكان ليه معزّة خاصة جدًا في قلبي، ونفسي دايمًا أشوفه في أفضل حال.

رحلتي في النادي بدأت مع التايكوندو، ووصلت لبطولات دولية وتمثيل منتخب مصر، وانضممت لمعسكر إعداد المنتخب لأولمبياد أثينا 2004.

والنهارده، أنا كمان أم لبطلتين؛ حبيبة، بطلة السباحة ولاعبة منتخب مصر، وداليدا، بطلة الجمباز الإيقاعي. وده بيخليني أحس بكل ولي أمر، وأفهم احتياجات أسرنا وأولادنا الأبطال.

ومع خبرتي المهنية في الإدارة والاستشارات بشركات دولية، اتعلمت إزاي أسمع باهتمام، وأدير بمسؤولية، وأحوّل التحديات لحلول حقيقية.

نفسي نشتغل مع بعض عشان نطوّر الرياضة والخدمات بأفكار جديدة، ونسمع لبعض ونبقى إيد واحدة.. لأن الرياضة مش بس ميداليات، الرياضة بتبني شخصيات وبتدعم أجيال.

بدعمكم ووقفتكم جنبي، متأكدة إننا نقدر نعمل أحسن حاجة لنادينا.

الرياضة علمتني إن كل إنجاز وراه تعب، وإن النجاح بيكبر بروح الفريق.

من مشواري كلاعبة بالمنتخب المصري، لخبرتي المهنية، ولدوري كأم لبطلتين، اتعلمت أسمع، وأتحمل المسؤولية، وأقدّر كل خطوة في طريق النجاح.

النهارده، بترشح لعضوية مجلس إدارة نادي سبورتنج «فوق السن»، عشان أشارك بخبرتي وأفكاري في تطوير رياضة نادينا وخدماته، وأكون قريبة من الأعضاء وأسرهم.

سبورتنج تاريخ نفتخر بيه، وبمشاركتكم نكمل مشواره ونبني مستقبله.